इङ्ल्याण्डविरुद्धया ४गूगु टी–२० क्रिकेटय् घरेलु टिम भारत त्यात
चौलाथ्व षष्ठी ११४१, चैत्र ६ शुक्रवाः
इङ्ल्याण्डविरुद्धया ४गूगु टी–२० क्रिकेट घरेलु टिम भारतं त्याकुगु दु । अहमदाबादय् वंगु चान्हय् जूगु कसाय् भारतं इङ्ंग्ल्यान्डयात ८गू रनं त्याकुगु खः ।
कासा त्यागु नापं ५ गू कासाया सिरिज २–२ या ज्वलिन्ज्वःलय् थ्यंगु दु । आः सिरिज त्याकामिया निर्णय लिपांगु कासापाखें क्वजिइ । भारतं बिउगु सच्छि व ८६गू रनया आज्जु नापं जवाफी ब्याटिङ याःगु इंग्ल्यान्डं २०गू ओभरय् ८ गू विकेट त्वफिका सच्छि व ७७ गू रन जक दयेकेत ताःलात ।
इंग्ल्यान्डया नितिं बेन स्टोक्सं दक्वःलय् आपा ४६गू रन दयेकल । अथेहे जासन रोयं ४०गू रन मुंबलय् जोनी बेयर्स्टों २५गू रन मुन । भारतया नितिं शार्दुल ठाकुरं ३ गू विकेट काःगु खः । अथेहे हार्दिक पाण्डय व राहुल चहलं २गू २गू विकेट काःगु दु ।
थ्वयान्ह्यः न्हापा ब्याटिङ याःगु भारतं २०गू ओभरय् ८गू विकेट तंका सच्छि व ८५ गू रन दयेकुगु खः । भारतया नितिं सूर्यकुमार यादवं ५७गू रनया अर्धशतकीय इनिङ्स म्हितल ।
अथेहे श्रेयस एयरं ३७गू रन मुंबलय् ऋषव पन्तं ३०गू रन दयेकल । इंग्ल्यान्डया जोफ्रा आर्चरं ४गू विकेट चूलाकुगु दु । आः लिपांगु कासा कन्हय् जुइ ।
Categorized in कासा
