जापानय् जुइगु टोकियो ओलम्पिकय् विदेशी दर्शक व समर्थक प्रतिबन्धित
चिल्लाथ्व नवमी, ११४१, चैत्र ८ आइतबाः
जापानय् स्वला लिपा जुइगु टोकियो ओलम्पिकय् विदेशी दर्शक व समर्थकं ब्वति काये मदइगु जूगु दु ।
टोकियो ओलम्पिकया स्थानिय ग्वसाः खलः व अन्तराष्ट्रिय ओलम्पिक कमिटिं कोरोना भाइरसया ग्याःचिकुं कासामि व जापानया नागरिकयात तापाकेत थुगु निर्णय यानागु स्पष्ट याःगु दु ।
लिसें टोकियो ओलम्पिकय् हलिंया दक्वं देय्या ब्वति नं ग्यारेन्टी याये मफइगु जापानया अधिकारीतय्सं धाःगु दु । सन् २०२० य् हे जुइमाःगु टोकियो ओलम्पिक दच्छि लिबाक्क जुइत्यंगु दु ।
वइगु जुलाई १३ निसें जुइगु ओलम्पिकय् ब्वतिमिपिनिगु स्वास्थ्य सुरक्षाया खं आः ग्वसाः खलःयात छ्यं स्याकाच्वंगु दु ।
अगष्ट २४ य् न्ह्याइगु पारा ओलम्पिक कासाय् नं दर्शकतय् लागिं ओलम्पिक थुज्वःगु हे नियम व व्यवस्था लागु जुइ ।
