बार्सां सोसिडाडयात ६–१ गोलं बुकुसें मेस्सीं दयेकल बार्साया नितिं दकले अप्वः कासा म्हितूगु कीर्तिमान
चिल्लाथ्व नवमी ११४१, चैत्र ९ सोमबाः
बार्सिलोनां स्पेनिस ला लिगा फुटबलय् रियल सोसिडाडयात ६–१ गोल अन्तरं बुकूगु दु । थ्वनाप कप्तान लिओनल मेस्सीं बार्सिलोनाया नितिं दकले उप्वः कासा म्हितूगु कीर्तिमान न स्थापित याःगु दु ।
बार्सिलोनाया नितिं मेस्सीं निगोल याःगु कासाय् बार्सिलोनाया नितिं दकले उप्वः ७सः व ६७गु कासा म्हितेधुंकूगु दु । उलिमछिं कासा म्हिताः थ्वसिवे न्ह्यः जाभीं दयेकूगु कीर्तिमानयात मेस्सीं त्वाःथःगु खः ।
बार्सिलोनां त्याकूगु कासाया नितिं सर्जिनो डेस्टं निगोल याःगु दुसा एन्टोइन ग्रिजमन व औसमाने डेम्बेलें छगोल–छगोल याःगु खः । सोसिडाडया एन्डर बारेनेटसेयां छगो याःगु खः ।
कासा त्याकाः बार्सिलोना, रियल मड्रिडयात ल्यूनय् लाकाः ल्याधजःया निगूगु थासय् थ्यंगु दु । बार्सिलोनाया २८गु कासापाखें ६२गु दत । दकले न्ह्यःनय्या एट्लेटिको मड्रिडया ६६गु ल्या दु ।
कासा बूगु रियल सोसिडाड ४५गु ल्यानाप न्यागूगु थासय् दु ।
Categorized in कासा
