नेपाल व किर्गीस्तानया कासा ज्वलिंज्व
चिल्लाथ्व त्रयादशी ११४१, चैत्र १३ गते शुक्रबाः
थ्री नेसन्स कप फुटबलअन्तर्गत थःगु न्हापांगु कासाय् नेपाः ज्वलिन्ज्वःलय् दिउगु दु । किर्गीस्तानया २३ दँ वैंश क्वयेय्या टोलीं नेपाःयात गोल मजुसें ज्वलिन्ज्वःय् दिउगु खः ।
त्रिपुरेश्वरस्थित दशरथ रंगशालाय् बल पोसेसनय् पकड दयेकुसा नं गोल याये मफूबलय् नेपालं किर्गिस्तानया ल्याम्ह टिमलिसे ज्वलिन्ज्वःलय् नुगः चिइमाःगु दु । कासाया ६७गूगु मिनेटय् किर्गिस्तानया कप्तान टासिभ कामोलिदीन निगु भासुगु कार्ड नापं मैदानं पिहाँवंबलय् टोली १०म्ह कासामिइ लिकुनेमाल । तर नेपालं थुकिया लव कायेमफुत ।
ज्वलिन्ज्वः नापं नेपाः व किर्गिस्तान निम्हसिया फाइनलय् थ्यनेगु सम्भावना जिवित जूगु दु । न्हापांगु कासाय् किर्गीस्तानयात १–०लिं बुकुग्ु बंगलादेश धाःसा फाइनय् थ्यंगु दु ।
आः नेपालं निगूगु कासा कन्हय् बंगलादेशलिसे म्हितिइ । कन्हय्सिया कासा म्होतिइ ज्वलिन्ज्वःलय् क्वचायेकुगु अवस्थाय् नेपाः फाइनलय् दुहाँवनिइ ।
Categorized in कासा
