नेपालभाषाया संकिपाख्यलय् ताः ई न्ह्यःनिसें छम्ह कलाकारिता व निर्देशनय्  सकृय जुया वया च्वंम्ह कलाकःमि रवि महर्जनया अबु श्याम महर्जन मदुगु दुखय् थीथी ख्यलं दुख प्वंका बिचा हायेकुगु दु ।

छम्ह सन्चारकःमि या रुपय् नं ज्या याना वया च्वंम्ह रवि महर्जन थौंकन्हे बोधि टिभि लिसे स्वापु दुम्ह सन्चारकःमि खः । रविया अबु मदुगु दुखय् विचाः हायेकेत नेवाः संकिपा पत्रकारिता ख्यःया न्ह्यलुवा विजयरत्न असंबरें, नेवाः संकिपा मतिनामि पुचःया राजु राजदेव बज्राचार्य, बोधि टिभि या पासापिं रत्नकाजी महर्जन लुनिभा व राजेन मानन्धरपिं छेँय् वना विचाः हायेकुगु खः ।

कलाकःमि रवि महर्जन या ८७ वर्ष अबु श्याम महर्जन वंगु शुक्रबार २० गते आकाझाकां मदुगु खः । मदुम्ह श्याम महर्जनया तधिकःम्ह काय् रवि महर्जन नापं याना निम्ह काय् व जहान छम्ह दु ।

रवि महर्जनया अबुजु श्याम महर्जन मत्यवं मदुगु दुखय् नेवाः पत्रकार राष्ट्रिय दबू येँपाखें दुख प्वंकुसे वयकया आत्मा सुखावति भुवनस बासं च्वनेमा धका प्रार्थना यासे  बिचाः हायेका च्वना धका शोक वक्तव्य पिकागु दु ।

Categorized in राष्ट्रिय