युरोपा लिग फुटबलया क्वाटरफाईनलय् म्यान्चेस्टर युनाईटेडं ग्रानाडा बुत, आर्सनल दित स्लाभिया प्रागलिसे ज्वलिन्ज्वःलय्
लहनान्यूज | चिल्लागा त्रयोदशी ११४१, चैत्र २७ गते शुक्रबाः
युरोपा लिग फुटबलया क्वाटरफाइनल न्हापांगु लेगया कासाय् इंग्ल्याण्डया म्यान्चेस्टर युनाइटेड त्याबलय् आर्सनल ज्वलिन्ज्वःलय् दिउगु दु । वंगु चान्हय् स्पेनय् जूगु कासाय् म्यान्चेस्टर युनाइटेडं ग्रानाडायात २–० या गोल अन्तरं बुकल ।
उखे आर्सनल धाःसा थःगु हे मैदानय् चेक गणतन्त्र स्लाभिया प्रागलिसे १गू–१गू गोलया ज्वलिन्ज्वःलय् दिउगु दु । युरोपा लिग क्वाटरफाइनल न्हापांगु लेगया हे मेगु कासाय् इटालीया एएस रोमां नेदरल्याण्ड्सया आयाक्स एम्सटरडमयात उमिगु हे मैदानय् २–१गूया गोल अन्तरं बुकल ।
अथेहे क्रोएसियाया जाग्रेबय् जूगु कासाय् स्पेनया भियारियालं घरेलु टोली डाइनामो जाग्रेबयात १–० या गोल अन्तरं बुकुगु दु । क्वाटरफाइनल निगूगु लेगया कासा मेगु वालं निसें न्ह्यायेत्यंगु दु ।
Categorized in कासा
