नेवाः मिसा दबू गैडाकोट नगरसमितिया ग्वसालय् गैडाकोट नवलपुरय् न्हुदँ २०७८या भिंतुना, सम्मान ज्याझ्वः जुगु दु ।

उगु ज्याझ्वलय् गैडाकोट नगरपालिका वडा २ या वडा अध्यक्ष ध्रुवराम पौडेलं नेवाः संस्कृति समग्र नेपाःया हे सान खः धयादीसे थुकियाःगु जगेर्ना यायेत नेवाः समुदायपि छप्प छधीइ जुया न्ह्या वने माःगुलि बःबियादीगु दु।

ज्याझ्वलय् अध्यक्ष सीता श्रेष्ठं नेवाःमिसापिनिगु  हकहितया लागि नेवाः मिसा दबू गैडाकोट नगरसमिति सचेत जुगु दु धका धयादीगु दु।

अथेहे नेवाः पत्रकार राष्ट्रिय दबू चितवन शाखाया अध्यक्ष कमलमान श्रेष्ठं नेवाः समूदायया हरेक सुचना व समाचार थीथी मिडियाय् हयेगुलि थःम्हेसिया ग्वाहालि यायेगुलि महत्वपूर्ण भूमिका निर्वाह यायेगु प्रतिबद्धता यानादीगु खः।

Categorized in राष्ट्रिय