अमेरिकाय् छम्ह अश्वेत स्यायेवं तनाव
लहनान्युज | चौलाथ्व पारु ११४१,चैत्र ३१ मंगलवाः
अमेरिकाय् ट्राफिक नियम उल्लंघन याःगु आरोपय् छम्ह अश्वेतयात स्याःगुलि तनाव उत्पन्न जुगु दु ।
तनावया हे कारण अमेरिकाया निगु शहर मिनियापलिस व सेन्ट पलय् चान्ह्य कर्फ्यु याःगु दु ।
वःगु आइतवाः मिनसोटाया ब्रुकलिन सेन्टरय् २० दँ दुम्ह दन्ते राइटयात प्रहरीं ट्राफिक नियम उल्लंघन याःगु आरोपय् कार पिकया हतकडी तयत स्वःगु खः ।
उगु झ्वलय् घम्साघम्सी जुइवं प्रहरीय गोली उम्ह मनू सी गु खः। घटनाया विरोधय् स्थानीयपिन्स प्रहरी प्रशासनविरुद्ध प्रदर्शन याःगु खः।
स्थिति नियन्त्रण कायेत मिनियापलिस व सेन्ट पल शहरया मेयरपिन्स आपतकाल घोषणा याना चान्ह्य कर्फ्यु जारी याःगु खः।
Categorized in अन्तर्राष्ट्रिय