मलःया हुनिं निम्ह सीत
चौलाथ्व चौथी ११४१,बैसाख ३ शुक्रवाः
बाग्लुङ व स्याङ्जाय् निम्ह मनूत सित । फय् वःगुनाप मलः त्वयाः म्हिगः चान्हय् इपिं सीगु खः ।
घटनाय् छम्ह मनू घाःपाः जूगु प्रहरीं धागु दु । बाग्लुङया ताराखोला गाउँपालिका–२ सिलेय् च्वनीम्ह ४५दँया खिमलाल कँडेल व स्याङ्जाया फेदीखोला–५ बायाँ फड्के च्वनीम्ह ३९दँया ईश्वरी लामिछाने सीगु गण्डकी प्रदेश प्रहरी ज्याकूया प्रवक्ता, एसएसपी मोहन पोखरेलं जानकारी बियादिल ।
बाग्लुङया ताराखोला गाउँपालिका– ३ रातमाटा छेँ दुम्ह ४५दँया कृष्णकुमारी कार्की सामान्य घाःपाः जूगु दु । अथेहे तेह्रथुमया छथर गाउँपालिका– १ आङदिमय् न मलःत्वयाः छम्ह मिसामचा मन्त ।
प्वँनाप वा वःबलय् मलः त्वःगु धागु दु । मलखं ११दँया रेहिता मगर मदुगु पुष्टि जूगु दु ।
Categorized in अपराध
