जामनः गुभाःजुया निर्देशक रवि सायमिया निर्देशनय् न्हूगु नेपाली म्यूजिक भिडियो छगु ज्याझ्वः दथुइ सार्वजनिक जूगु दु ।

उगु ज्याझ्वलय् वरिष्ठ ख्यालि कलाकार सन्तोष पन्तं म्येया लोकार्पण यानादीगु उगु म्यूजिक भिडियो सायमिया निर्देशनय् प्रभानन्द वैद्यं हालादीगु म्ये ‘किन आज....’ या भिडियो सार्वजनिक जूगु खः ।

ज्याझ्वलय् नवासें वरिष्ठ कलाकार सन्तोष पन्तं उद्योग व्यापार क्षेत्रय् स्थापित व्यवसायी प्रभानन्दया गायन प्रतिभाया प्रशंसा यानादिल ।

म्येया च्वमि व लयचिनामि महेश राज थापां च्वमिं थःगु भावप्रति न्याय याःगु बिचाः तयादिल । निर्देशक रवि सायमिं थम्हं फक्व मेहनत यानाः म्ये दयेकेधुंकाः आः दर्शकया ल्हातय् लःल्हानाबियागु धयादिल ।

म्यूजिक भिडियोस ग्रिस वैद्य व रेजिसा डंगोलं अभिनय यानादीगु दु ।

Categorized in मनोरन्जन