भारतय् वंगु २४ घण्टाया दुने स्वंगु लाख स्वया अप्वोसित कोरोना भाइरसया सङ्क्रमण पुष्टि जुगु दु ।

लिपागु २४ घण्टाय् जक भारतय् स्वगु लाख १५ हजार ७२८ म्हेसित सङ्क्रमित जुगु दु। विश्वय् थ्व हे आःतक दकलय् अप्वो सक्रमण जुगु न्हापागु घटना खः।

भारतय् कोरोना सङ्क्रमण पुष्टि जूपि आःतक छगु करोड ५९ लाख स्वया अप्वो जुइ धुकुगु दु । अथेहे २४ घण्टाया दुने कोरोनाका कारण २१०२ म्ह सी धुकुगु दु ।

थ्व नाप भारतय् आःतक कोरोनां सीपि छगु लाख ८४ हजार स्वया अप्वो जुइ धुकुगु दु।

अथेहे २४ घण्टाय् छगु लाख ७९ हजार स्वया अप्वो  डिस्चार्ज जुगु दु । थ्व नाप कोरोनामुक्त जुपि छगु करोड ३४ लाख अप्वो थ्यःगु दु ।

भारतय् आःतक २२ लाख ८४ हजार स्वया अप्वो सक्रिय सङ्क्रितपिन्त उपचार यानाच्वंगु दु।

Categorized in अन्तर्राष्ट्रिय