देवदत्त पाडिक्कलया शतक ग्वाहालिं रोयल च्यालेन्जर्स बेंगलोरं इन्डियन प्रिमियर लिग (आईपीएल) य् राजस्थान रोयल्सयात १० विकेट पराजित यागु दु ।

ओपनरपि पाडिक्कल व कप्तान विराट कोहलीया अविजित शतकीय साझेदारी बेंगलोरं १७८ रनया लक्ष्य १६.३ ओभर म्हिता विना क्षति १८१ रन दयका याउक त्याकूगु खः।

पाडिक्कलं ५२ बलय् अविजित १०२ रन  दयका थुगु आईपीएलय् न्हापागु शतक दयकूगु खः। अथेहे कोहलीं ४७ बलय् अविजित ७२ रन दयकूगु खः।

मुम्बईया वाङखडे स्टेडियमय् टस त्याका न्हापा ब्याटिङ यागु राजस्थानं निर्धारित २० ओभरय् ९ विकेट गुमे याना १७७ रन दयकूगु खः।

राजस्थानया लागि शिभम दुबे ४६ रन, राहुल तेवाटिया ४० रन, रियान परागे २५ व कप्तान सन्जु सामसन २१ रन दयकूगु खः।

बलिङय् बेंगलोरया मोहम्मद सिराज व हर्सल पटेल न ३–३ विकेट, केल जेमिसन, केन रिचर्डसन व वासिङ्गटन सुन्दरं समान १ विकेट काःगु खः ।

Categorized in कासा