नेकपा माओवादी केन्दं राष्ट्रिय सभा सदस्य चन्द्रबहादुर खड्कां पार्टी त्याग यागु जानकारी संघीय संसद सचिवालययात बिउगु दु ।

खड्कां दल त्याग यागु सूचं थौं शुक्रवाः दर्ता जुगु दु धका संसद सचिवालयया प्रवक्ता रोजनाथ पाण्डें जानकारी बिउगु दु।

माओवादी केन्द्रपाखे लुम्बिनी प्रदेशय् निर्वाचित खड्का एमाले प्रवेश यायेवं दल त्याग यागु सूचं संसद सचिवालययात बिउगु खः ।

आः राष्ट्रिय सभा अध्यक्षं सूचं पिकायेवं वयागु पद वनिइ । संसद अधिवेशन जुगु इलय् सभाय् ब्बना न्यकेवं व अधिवेशन मजुगु इलय् सूचं पिकायेगु अभ्यास दु।

माओवादीपाखे राष्ट्रियसभाया सदस्य रामबहादुर थापा ‘बादल’ थ्व स्वया न्ह्य कारबाही यागु खः ।

Categorized in राजनीति