कोलकाता नाइट राइडर्सं इन्डियन प्रिमियर लिग (आईपीएल) टी–२० क्रिकेटय् त्याकूगु दु।

सोमवाः चान्ह्य जुगु कासाय् पन्जाब किंग्सयात ५ विकेटं पराजित यासे कोलकता लिगया न्यागु थासय् थ्यंगु दु। खुग कासाय् कोलकाताया ४ अंक दु।

अहमेदावादय् जुगु लो स्कोरिङ कासाय् पन्जाबं बिःगु १२४ रनया लक्ष्य कोलकतां १६.४ ओभर म्हिता ५ विकेट गुमे याना पूरा यागु खः । १७ रनय् ३ विकेट गुमे यागुलि कप्तान आयोन मोर्गन व राहुल त्रिपाठीं ७६ रनया साझेदारी यासे कोलकातां इनिङ्स सम्हाले यागु खः।

मोर्गनं ४० बलय् अविजित ४७ रन व त्रिपाठीं ३२ बलय् ४१ रनया योगदान यागु खः । दिनेश कार्तिक १२ रन अविजित जुगु खः। अथेहे मोइसेस हेनरिक, मोहम्मद शामी, अर्शदिप सिंह व दीपक हुडाले १–१ विकेट कागु खः। टस बुया न्हापा ब्याटिङ यागु पन्जाबं निर्धारित २० ओभरय् ९ विकेट गुमे याना १२३ रन दयकूगु खः

पन्जाबया लागि ओपनर मायंक अग्रवालं दकलय् अप्वो ३१ रन दयकूगु खः ।अथेतु, क्रिस जोर्डर्नं ३० रन, कप्तान लोकेश राहुल व निकोलस पुरनं समान १९ रन दयकूगु खः।

कोलकताया प्रसिद कृष्नां ३ विकेट, प्याट कमिङ्स व सुनिल नारिनं २–२ व शिभम मावी नाप वरुन चक्रवर्ती न समान १ विकेट कागु खः।

Categorized in कासा