भारतय् कोरोना भाइरसया सङ्क्रमण भयावह जुया वनाच्वंगु दु। वंगु २४ घण्टाय् जक ३ लाख ७९ हजार स्वया अप्वोसित कोरोना भाइरसया सङ्क्रमण जुगु दु।

अथेहे ३ हजार ६४७ म्हेसिगु ज्यान वंगु दु। महाराष्ट्रय् जक एक हजार म्हेसिगु ज्यान वंगु दु । लिपागु २४ घण्टाया दुने राजधानी दिल्लीइ जक २६ हजार पिन्त सङ्क्रमण जुगु धका भारतीय सञ्चारमाध्यमं धाःगु दु।

पश्चिम बङ्गालय् १७ हजार स्वया अप्वोसित सङ्क्रमित जुगु दु । थ्व नाप भारतय् कोरोना सङ्क्रमित जुपि एक करोड ३ लाख ६ हजार स्वया अप्वो थ्यंगु दु ।

अथेहे आःतक कोरोनाया कारण २ लाख स्वया अप्वो सी धुकुगु दु।

Categorized in अन्तर्राष्ट्रिय