मानव जातियात दकलय् न्हापां चन्द्रमाय् थ्यकिइगु अभियान एपोलो–११ या छम्ह सदस्य माइकल कोलिन्स मन्त ।

उम्ह एपोलो–११ मिसनया क्रु–दुजः खः। क्यान्सरपाखे पीडित कोलिन्स ९० दँय् २८ अप्रिलया दिं मदुगु खः धका पारिवारिक स्रोतयात उद्धृत यासे बीबीसी धाःगु दु ।

बीबीसीया कथं माइकल कोलिन्स चन्द्रमाया कक्षय् हे रोके जुगु खःसा वया ग्वाहालिमि निल आर्मस्ट्रङ्ग व बज एल्ड्रिन चन्द्रमाय् क्वहा वंगु खः ।

अपोलो–११ अभियान अन्तर्गत २० जुलाई १९६९ य् न्हापा अन्तरिक्ष यान चन्द्रमाय् क्वहा वंगु खः।

कोलिन्स धुका आः छम्ह हे जक एपोलो–११ मिसनय् जीवित क्रु सदस्य बज एल्ड्रिन जक ल्यः दनिइ। उम्ह न ९१ दँ दय् धुकल ।

Categorized in अन्तर्राष्ट्रिय