कोरोनाविरुद्धया खोप अभियान दित
चौलागा तृतिया ११४१,बैसाख १६ बिहीवाः
कोरोनाविरुद्धया भेरोसेल खोप अभियान स्थगित जूगु दु । स्वास्थ्य सेवा विभागं भेरोसेल खोप बीगु ज्या वैसाख १६ गतेनिसें स्थगित यायेगु निर्णय याःगु खः ।
वैशाख १६ गते नं खोप येँय् निरन्तर न्ह्याकेगु धाःसां छुं ईया लागिं अभियान स्थगित जूगु खः । खोप केन्द्रय् मनूतय् अब्यवस्थित भिडभाडया हुनिं संक्रमणया जोखिम दुगुलिं अभियान स्थगित जूगु खः ।
भेरोसेल खोपया ८ लख डोज चीनं नेपाल सरकारयात अनुदानय् उपलब्ध याकूगु खः । निगूगु चरणया खोप अभियानअन्तर्गत वंगु चैत २५ गतेनिसें भेरोसेल खोप बीगु न्ह्याकूगु खः ।
थुगु खोप १८ दँनिसें ५९ दँ पुचःया मनूतय्त ब्यूगु खः । नेपालय् कोरोनाविरुद्धया कोभिसिल्ड खोप नं छ्यलावःगु दु । कोभिसिल्ड खोपया १० लख डोज भारतं अनुदानय् बीधुंकाः वंगु माघ १४ गतेनिसें खोप अभियान न्ह्याःगु खः ।
