इन्डियन प्रिमियर लिग (आईपीएल) क्रिकेटय् दिल्ली क्यापिटल्सं कोलकाता नाइट राइडर्सयात ७ विकेटं बूकुगु दु।

म्हिगः चान्ह्य जुगु कासाय् अहमदाबादं कोलकाता बिगु १५५ रनया लक्ष्य दिल्लीं १६ ओभर ३ बलय् ३ विकेट गुमे याना उगु लक्ष्य पूरा यागु खः ।

दिल्लीया पृथ्वीं ८२ रनया अर्धशतकीय पारी म्हितूगु खः । अथेहे शिखर धवनं ४६, ऋषव पन्तं १६ रन दयकूगु खः । कोलकाताया पाट कुमिन्सं स्वगू विकेट कागु खः।

टस त्याका न्हापा ब्याटिङ यागु कोलकातां २० ओभरय् ६ विकेट गुमे याना १५४ रन दयकूगु खः। कोलकाताया आन्द्रे रसेलं अविजित ४५ रन, सुबमन गिलं ४३ रन दयकूगु खः ।

दिल्लीया अक्षर पटेल व ललित यादवं निगु निगु विकेट कागु खः । थुगु कासा लिपा दिल्ली निगुगु थ्यंगु  दु।

Categorized in कासा