इजरायलय् भागदौड जुया ३८ म्ह सीत
लहानान्युज | चौलागा चतुर्थी ११४१,बैसाख १७ शुक्रवाः
इजरायलय् यहुदी पर्व माने यायेत जुगु भेलाय् भागदौड जुया ३८ म्ह सीगु दु ।
अथेहे दर्जनौं मल्याक घाइते जुगुु दु । थुगु घटना उत्तरी इजरायलस्थित माउन्ट मेरोनय् जुगु खः ।
घटनाय् कम्ति न ३८ म्हेसिगु ज्यान वंगु धका अनया स्थानीय छगु पत्रिकां उद्धृत यासे बीबीसी धागु दु । प्रधानमन्त्री बेन्जामिन नेतन्याहुं घाइतेजुपिनिगु भिं उसाँयया कामना यागु दु।
वार्षिक पर्व माने यायेत दशौं हजार यहुदा भेला जुगु खः। भिड यक्को उद्धार ज्याय् तक कठिनाइ जुगु धका धागु दु। यहुदीपिन्स दँय् दसं थुगु पर्व माने याइगु खःसा न्हापागु दँ कोरोना भाइरस संक्रमणया महामारीया कारण रोके जुगु खः ।
थुगु दँय् थ्व पर्व माने यायेगु निति यक्को मनूत भेला जुगु खः।
Categorized in अन्तर्राष्ट्रिय