जनता समाजवादी पार्टी (जसपा) या कार्यकारिणी समितिपिनिगु बहुमत सदस्यपिन्स प्रधानमन्त्री केपी शर्मा ओलीविरुद्ध वइगु अविश्वास प्रस्तावया पक्षय् मत बिइगु निर्णय यागु दु।

१४ वैशाखय् च्वंगु बैठकं लुम्बिनी प्रदेशया प्यम्ह प्रदेशसभा सदस्यपिन्त कारबाही यासे अविश्वासया प्रस्ताव पक्षय् मत बिइगु निर्णय जुगु दु धका छम्ह नेतां धागु दु ।

उगु दिं सुथय् च्वंगु पदाधिकारी बैठक च्वंगु खः, उकिइ संघीय परिषद् अध्यक्ष डा. बाबुराम भट्टराई व अध्यक्ष उपेन्द्र यादवं  लुम्बिनी सरकारय् वंपि प्यम्ह प्रदेशसभा सदस्यपिन्त कारबाही व केन्द्रय् प्रधानमन्त्री ओलीविरुद्ध अविश्वासया प्रस्तावबारे छलफल यासे कार्यकारिणी समिति बैठक सःतिइगु प्रस्ताव यागु दु ।

तर अध्यक्ष महन्थ ठाकुर व वरिष्ठ नेता राजेन्द्र महतो बैठक मसतूगु खः। 

Categorized in राजनीति