नेपालय् थौं १९म्ह कोरोना संक्रमणया हुनिं मन्त
लहानान्युज | चौलागा पंचमी ११४१,बैसाख १८ सनिवाः
नेपालय् थौं २२म्ह कोरोना संक्रमणया हुनिं सीगु दु । सीपिंलय् बांकेया थीथी अस्पतालय् वासः याकाच्वंपिं ३, दाङया २ व कपिलवस्तुका छम्ह खः ।
अथेहे रुपन्देही व नवलपरासी पश्चिमया निम्ह कोरोना संक्रमित वासः यायेगु झ्वलय् बुटवलमा सीगु दु । उखे कञ्चनपुरय् नं मेगु ४म्ह संक्रमित मृत्यु जूगु दु । महाकाली अस्पतालय् निम्ह, होम आइसोलेसनय् च्वनाच्वम्ह छम्ह व वासः यायेत यंकेगु झ्वलय् लँय् हे छम्ह सीगु दु ।
अथेहे ताप्लेजुङय् सङ्क्रमित छम्ह सीगु दु । कैलाली नं थप स्वम्ह संक्रमितपिनिगु मृत्यु जूगु दु । मृत्यु जूपिं निम्ह मिसा व छम्ह मिजं खः । उखे कोरोना संक्रमणं बागलुङय् छम्ह ल्याम्हम मनु सीगु दु ।
अथेहे अर्घाखाँची नं छम्ह मिजंम्ह सीगु दु । सुर्खेतय् नं निम्ह कोरोना संक्रमणया हुनिं सीगु दु । अथेहे विरगञ्ज व सिन्धुपाल्चोकय् नं १÷१ मिजंम्ह कोरोना संक्रमित जुया सीगु दु ।
