धनगढी एफसी नेपाल सुपर लिगया न्हापांगु थासय्, बुटवल व विराटनगर ज्वलिंज्वलय्
चौलागा पंचमी ११४१,बैसाख १८ सनिवाः
धनगढी एफसी न्हापांगु संस्करणया नेपाल सुपर लिग (एनएसएल) फुटबल कासाय् न्हापांगु थासय् थ्यंगु दु ।
थौं जूगु कासाय एफसी चितवनयात ३–० गोल अन्तरं बुका धनगढी न्हापांगु थासय् थ्यंगु खः । त्रिपुरेश्वरया दशरथ रंगशालाय् धनगढीयात त्यताकेत निशान लिम्बु, ओलावाले आफिज व बुद्ध बल तामाङले छगोल÷छगोल यात ।
कासाया न्हापांगु हाफय् बलयात थःगु कजय् तःगु चितवनं गोल धाःसा याये मफत । मेगु हाफय् धाःसा धनगढीं लगातार निगू गोल यायेत ताःलागु खः । कासाया ६४गू मिनेटय् निशानया गोलं धनगढी ।
६९गू मिनेटय् ओलावालें छगोल याना धनगढीलाई २–० न्ह्यने लात । कासाया ८०गू मिनेटय् बुद्ध बलं गोल याना धनगढी ३–० त्यायेत ताःलात ।
विराटनगरया नितिं पेड्रो मान्जी व सन्तोष तामाङं छगोल छगोल लिछ्यात । कासाया ६गू मिनेटय् ओमोलाजा नुरिन करिमं गोल याना बुटवलयात १–० न्ह्यने लाःगु खः ।
तर, कासाया ४२गू मिनेटय् पेड्रो मान्जीं गोल याना विराटनगरयात १–१ गोलया ज्वलिंज्वल यात । कासाया ६८गू मिनेटय् लक्ष्मण रुचालं गोल याना बुटवलयात २–१ न्ह्यने लाकल ।
तर, कासाया इन्जुरी ईलय् सन्तोष तामाङं फ्रिकिकं गोल याना कासाय् २–२गू गोलया ज्वलिंज्व याःगु खः ।
