सरकारं वैशाख २७ गते संसद अधिवेशन सःत्येगु सिफारिस यागु दु व प्रधानमन्त्री केपी शर्मा ओलीं संसदय् विश्वासया मत काइगु जुगु दु ।

मन्त्रिपरिषदया थौं आइतवाः च्वंगु बैठकं प्रधानमन्त्री ओलीं विश्वासया मत कायेगु जानकारी बियादीगु दु । वैशाख २७ गते संसद अधिवेशन आह्वन यायेगु व विश्वासया मत कायेगु निर्णय मन्त्रिपरिषद बैठकं यागु दु। प्रधानमन्त्रीं थःयात संसदं विश्वास दु वा मदु धका गु न इलय् विश्वासको मत कायेफु।

आः नेकपा माओवादी केन्द्रं सरकारयात बिगु समर्थन लितकागु मदुनि । प्राविधिक रुपं सरकार बहुमतय् दु अय्न प्रधानमन्त्रीें विश्वासया मत कायत्यःगु खः । प्रधानमन्त्री पदय् कायम जुइत प्रधानमन्त्रीं १३८ म्ह सांसदपिनिगु समर्थन कायेमाः । २७५ सदस्य म्ह दुगु प्रतिनिधिसभाय् नेकपा एमालेया १२१ सिट दु ।

नेपाली कांग्रेसया ६३, नेकपा माओवादी केन्द्रया ४९, जनता समाजवादी पार्टीया ३४, नेपाल मजदुर किसान पार्टी, राष्ट्रिय जनमोर्चा व राप्रपा व स्वतन्त्र सांसदपिनिगु छगु छगु सिट दु । नेपाली कांग्रेसया निम्ह व जनता समाजवादी पार्टीया निम्ह निलम्बित जुयाच्वंगु दु।

Categorized in राजनीति