११दँ लिपा ‘सिरी–ए’ या उपाधि इन्टर मिलानयात
चौलागा अष्टमी ११४१,बैसाख २० सोमवाः
थुगुसिइया इटालियन लिग फुटबल ‘सिरी–ए’ या उपाधि इन्टर मिलानं त्याकुगु दु ।
लिपांखुसिइ सन् २०१० य् सिरी ए त्याकुगु इन्टरं ११दँ लिपा न्हापांखुसिइ घरेलु लिगया उपाधि त्याकुगु खः । लिग धलःया निगूगु थासय् दूगु एटलान्टां वंगु चान्हय् सासुओलोलिसे १गू–१गू गोलया ज्वलिन्ज्वः कासा म्हितेधुंका इन्टर मिलानं ४गू कासा ल्यं दनिबलय् हे सिरी ए या उपाधि पक्का याःगु खः ।
शनिबाः चान्हय् जूगु कासाय् क्रोतोनेयात बुकुगु इन्टरं निगूगु थाय्या एटलान्टालिसे १३गू ल्याःखं अग्रता कायम याःगु दु । इन्टरया थ्व उपाधिलिसें लिपांगु ९ गू सिजननिसें मदिक्क उपाधि त्याकावयाच्वंगु युभेन्टसया उपाधि श्रृंखला नं त्वाथःगु दु ।
जोजे मौरिन्होया प्रशिक्षणमा इन्टर मिलानं लिपांखुसिइ सन् २०१०य् सिरी ए व च्याम्पियन्स लिगया उपाधि त्याकुगु खः । आः एन्टोनियो कोन्तेया प्रशिक्षणय् इन्टर मिलानं उपाधि त्याकुगु खः ।
Categorized in कासा
