२०८० चैत्र १५, बिहिबार

नयाँदिल्ली सरकारं सेनाया ग्वाहालि फ्वंन

लहानान्युज | चौलागा अष्टमी ११४१,बैसाख २१ मंगलवाः

कोरोना संक्रमण महामारी नाप ल्वायेत भारतं नयाँदिल्ली सरकारं सेनाया ग्वाहालि फ्वंगु दु ।

कोभिड केयर सुविधा व आइसियू युनिट्स सन्चालनया लागि दिल्ली सरकारं सेनाया ग्वाहालि फ्वंगु दु । सेनाया ग्वाहालि फ्वंना दिल्ली सरकारं रक्षा मन्त्रालययात पौं च्वंगु दु धका भारतीय मिडियां धागु दु ।

नयाँदिल्ली कोरोनाया निक्वःगु लहरं यक्को प्रभावित जुगु थाय् मध्ये छगु खः । कोरोना संक्रमणया बिरामीपि यक्को अप्वोगुलि भारतया राजधानी नयाँदिल्ली आईसीयू बेड व अक्सिजनया कमी जुयाच्वंगु दु ।

वंगु वाःनिसे भारतय् दिं स्वंगु लाख स्वया अप्वो न्हुपि संक्रमित पिहावगु दु । दिल्ली जक न्हि २० हजार स्वया अप्वोसित संक्रमण पुष्टि जुगु दु।

Categorized in अन्तर्राष्ट्रिय