इण्डियन प्रिमियर लिग (आईपीएल) क्रिकेटय् सोमवाः चान्ह्य जुगु अहमदाबादय् कोलकाता नाइट राइडर्स व रोयल च्यालेन्जर्स बेङ्गलोरया दथुइ जुगु कासा स्थगित जुगु दु ।

कोलकाताया निम्ह कासामि वरुण चक्रवर्ती व सन्दीप वारियरपिन्त कोरोना भाइरसया सङ्क्रमण पुष्टि जुगुलि कासा स्थगित यायेगु निर्णय यागु खः। भारतीय क्रिकेट कन्ट्रोल बोर्ड (बीसीसीआई) नं छगु प्रेस विज्ञप्ति पिकया थुकिया बारे जानकारी बिगु खः।

विज्ञप्तिइ धयातःगु दु, ‘सोमवाः कोलकाता नाइट राइडर्स व रोयल च्यालेन्जर्स बेङ्गलोर दथुइया कासा मेगु तालिका प्रकाशित याना सुचं बिइ । वरुण चक्रवर्ती व सन्दीप वारियर निम्हेसित कोरोना रिपोर्ट पोजेटिभ वःगु दु । टोलीया मेमेपि सदस्यपिनिगु धासा रिपोर्ट नेगेटिभ वगु दु ।

निम्ह कासामि थःपि हे आइसोलेशन च्वना च्वंगु दु।

Categorized in कासा