येँ महानगरया प्रहरी आ विकास साझेदारं सतकय् त्वता तगु अनधिकृत निर्माण सामाग्री व प्रचार सामाग्री हटे यायेगुलि सक्रिय जुगु दु ।

अथेहे लँसिथय् व पार्कय् रहेका जोखिमयुक्त सिमाया कचा चाना जोखिममुक्त दयकेत, वातावरण व्यवस्थापन विभाग नाप मिले जुया लँय् सफा यायेगु ज्या यागु दु ।

नगर प्रहरी महाशाखा प्रमुख धनपति सापकोट धागु दु, सकसिया ज्यायाइगु थाय् सतकय् खः । तर ज्या सिधेका ल्यः दनिइगु सामान अथे तया थकिइ । थुकिइ सतकय् म्वामदगु सामाग्री थुप्रे जुइ ।

महानगरय् च्यागु आकाशे ताँय् तयातगु प्रचार सामाग्री नगर प्रहरीं हटे यागु दु ।

अनधिकृत निर्माण सामाग्री हटे यायेगु झ्वलय् कलंकीनिसे त्रिपुरेश्वरया मुल सतक, सुन्धारा, न्हुगु सतक, भोटाहिटी, जमल, कान्तिपथ, दरबार मार्ग, कमलादी, पुतलीसडकय् च्वंगु सामाग्री हटे यागु दु ।

कन्ह्यनिसे बानेश्वर पाखे केन्द्रीत जुइगु महाशाखाया योजना दु ।

Categorized in राष्ट्रिय