कोरोना संक्रमण जुया उपचार याना च्वनादीम्ह पूर्वलानी कोमल शाहया अवस्था सुधार जुया वयाच्वंगु दु धका नर्भिक अस्पतालं जानकारी बिगु दु ।

११ दिं निसे अस्पताल भर्ना जुयादीम्ह वयकःयात बिहीवानिसे प्लाज्मा थेरापी विधिपाखे उपचार यागु खः । ‘वयकः आःतक न आईसीयूलय् हे तया उपचार जुया च्वंगु दु ।

वयकःया स्वास्थ्य अवस्था क्रमिक रुपं सुधार वयाच्वंगु दु’ धका अस्पतालं थौं मंगलवाः जारी यागु विज्ञप्तिइ धागु दु।

नर्भिक अस्पतालय् हे उपचार जुयाच्वम्ह पूर्व जुजु ज्ञानेन्द्र शाह व पूर्व अधिराजकुमारी प्रेरणा शाहया अवस्था धासा सामान्य व स्थिर दु धका अस्पतालं धागु दु ।

Categorized in राष्ट्रिय