वंगु २४ घण्टाय् ७६६० म्हेसित कोरोना भाइरस संक्रमण पुष्टि जूगु दु ।

स्वास्थ्य तथा जनसंख्या मन्त्रालयया कथं १६ हजार १३१ म्हेसिगु पीसीआर परीक्षणय् ७५८७ म्हेसित व ५७१ म्हेसिगु एन्टिजेन परीक्षणय् ७३ म्हेसित संक्रमण पुष्टि जुगु दु ।

मन्त्रालयया कथं छन्हया दुने हे आःतक मध्ये दकलय् अप्वो कोरोना भाइरस संक्रमणं ५५ म्हेसिगु ज्यान वंगु दु। वंगु २४ घण्टाय् १७७५ म्ह कोरोना भाइरस संक्रमणमुक्त जुगु दु।

देयन्यक सक्रिय संक्रमितपि ५९ हजार ७९८ म्ह दु । उकि मध्ये ५५ हजार ५२० म्ह होम आइसोलेसनय् व संस्थागत आइसोलेसनय् ४२७८ म्ह च्वनाच्वंगु दु।

मंगलवाः तक ६१६ म्ह आईसीयूलय् व १७९ म्ह भेन्टिलेटरय् तया उपचार जुयाच्वंगु दु ।

Categorized in राष्ट्रिय