ट्विटरं बलिउड अभिनेत्री कंगना रनावतया ट्विटर एकाउन्ट सस्पेन्ड याना बिगु दु । शृंखलाबद्ध रूपं विवादास्पद व भ्रामक सूचं ट्वीट यागुलि कंगनाया एकाउन्ट सस्पेन्ड याना बिगु खः।

अभिनेत्री कंगना भारतीय प्रधानमन्त्री नरेन्द्र मोदीयात  ममता बनर्जीयात ‘तह लगे यायेत’ इनाप यागु खः।उगु ट्वीट लिपा कंगनाया बयान धुका यक्को हे हिंसा भड्के जुगुलि वयागु एकाउन्ट सस्पेन्ड यायेत माग यागु खः।

कंगना रनावतं छु दँ निसे विवादास्पद व भड्के यायेगु बयान बिया वयाच्वंगु खः । पश्चिम बंगाल विधानसभा चुनावया लिच्वः लिपा राज्यया गन गन हिंसात्मक घटनायात स्वाना कंगनां समर्थन यासे हिंसायात उस्के यागु आरोप लगे यागु खः।

ट्विटरया प्रवक्तां ‘एब्यूसिभ बिहेवियर पोलिसी’ अन्तर्गत कंगनाया एकाउन्ट सस्पेन्ड यानागु खः धका धागु दु।

Categorized in मनोरन्जन