कोरोना भाइरसया संक्रमणं क्योकुसिन कराते कासामि रामजीप्रसाद बज्राचार्य ६६ दँय् मन्त ।

वय्क बलम्बुया सशस्त्र प्रहरी अस्पतालय् वासः यायेगु झ्वलय् मदुगु खः। बज्राचार्ययात वंगु वैशाख १६ गते कोरोनां संक्रमित जुगुलि गणेशमान सिंह मेमोरियल अस्पताल भर्ना यागु खः ।

अन लिपा वैशाख १९ गते थप उपचारया लागि सशस्त्र प्रहरी अस्पताल यंकूगु खः। विसं २०३९ निसें क्योकुसिन कराते म्हिताच्वनादिम्ह बज्राचार्यं सन् १९८२ य् सिंगापुरलिसें सन् १९८४ य् इण्डोनेसियाय् जूगु अल एसिया फुल कन्ट्याक्ट कराते च्याम्पियनसिपय् प्रतिस्पर्धा यानादिगु खः।

इन्डोनेसियाय् जूगु कासाय् वय्कलं कास्य पदक कयादिगु खःसा निक्वः तक राष्ट्रिय च्याम्पियन जुयादि धुकम्ह खः।

Categorized in राष्ट्रिय