लुम्बिनी प्रादेशिक अस्पतालया फिबर क्लिनिकय् वंगु ८ घण्टाय् रुपन्देहीइ च्वपि प्यम्ह संक्रमित सीउगु दु ।

सीपि स्वम्ह मिसा वछम्ह मिजंम्ह खः । बुटवल उपमहानगरपालिका–१२ या ४७ दँ दुम्ह वैशाख १५ गते कोरोना पोजेटिभ पुष्टि जुगु खःसा उगु हे दिं अस्पताल भर्ना जुगु खः मंगलवाः  चान्ह्य १० बजे मदुगु खः धका अस्पतालया प्रवक्ता डा. विष्णु गौतमं धागु दु।

अथेहे कन्चन गाउँपालिका–४ या २७ दँ दुम्ह मिसाम्ह वैशाख १९ गते कोरोना संक्रमण खनेदुगु खः। उगु ह दिं अस्पताल भर्ना जुगु खःसा बुधबार सुथय् ५.४५ बजे मदुगु खः । अथेहे बुटवल ९ या ५४ दँ दुम्ह मिसाम्ह वैशाख १८ गते कोरोना संक्रमण पुष्टि जुगु खः। उगु दिं अस्पताल भर्ना जुम्ह बुधबार सुथय् ६.२२ बजे मदुगु खः ।

अथेहे वैशाख १४ गते कोरोना संक्रमण पुष्टि जुम्ह तिलोत्तमा नगरपालिका–४ या४० दँ दुम्ह मिसाम्ह  २१ गते अस्पताल भर्ना जुगु खःसा उपचारया झ्वलय् बुधबार सुथय् ६.३८ बजे मदुगु धका अस्पतालया प्रवक्ता गौतमं धागु दु।

Categorized in राष्ट्रिय