सहकालया द्यः कथं कयातम्ह बुगंद्यःया रथ निर्माण जयाच्वंगु दु ।

पुल्चोकय् पाटन यँवाल गुठीया भःनीम्ह व बाराही गुठीया २३म्हेसिया रथ दयकेगु ज्या जुयाच्वंगु दु । वंगु २९ गते रथारोहण व जेठ १ य् रथयात्राया साइत पिहावंगु दु ।

स्वनिगलय् बैशाख मसान्त तक निषेधज्ञा जारी जुयाच्वंगु दु । सरकारं कोभिड–१९ या न्हुगु भेरियन्ट अत्याधिक मात्राय् फैलै जुयाच्वंगुलि अत्याआवश्यक बाहेक छेँ न पिहा मवयेत सर्वसाधारणपिन्त इनाप यागु दु । रथ निर्माण व जात्राया बारे चैत्र २६ गते जिल्ला प्रशासन कार्यालय यलय् सरोकारवालापि नाप बैठक च्वने धुकुगु दु ।

वंगु दँय रथारोहण अनिर्णय जुया स्थानीयपिन्स रथ सालेवं ल्वापू जुगु खः । जात्रा व्यवस्थापनया मुख्य जिम्मेवारी गुठी संस्थान व यल महानगरपालिका खः । शान्तिसुरक्षा व रथ सालेगु हकय् जिल्ला प्रशासन कार्यालय व स्थानीय २१ जातिय खलःयागु खः।

गुठी संस्थान यल शाखाया कार्यालय प्रमुख खीमा वलीं धयादीगु दु, ‘ जात्रायात व्यवस्थित यायेगु बारेय् सरोकारवालासपिनिगु उपस्थितइ जिल्ला प्रशासन कार्यालयय् पटक पटक सहलह जुगु खः । आः स्वास्थ्य मन्त्रालयं तोके यागु स्वास्थ्य निति मापदण्ड अपने याना परम्परायात निरन्तरता बिइगु धइगु दु।’

अथेहे ललितपुरया प्रमुख जिल्ला अधिकारी ढुण्डीप्रसाद निरौलां वैज्ञानिक प्रकृया अपने याना जात्रा सम्पन्न यायेगुलि संस्थान लगायत सरोकारवाला नाप सहलह न्ह्यने यंकेगु जुइ धका धयादीगु दु ।

अथेहे सिमित बाजा जक उपस्थित यासे जात्रा न्ह्याकेगु धका यल महानगरया प्रवक्ता राजु महर्जनं धागु दु । ‘जात्रा व्यवस्थित यायेगु कथं रथ सालेगु, बाजा थाइपिन्त बिस्क बिस्क हे टिसर्ट व क्यापया व्यवस्था यायेगु । महानगरं स्यानिटाइजर, मास्क, पञ्जा, थर्मल गन उपलब्ध यायेगु,’ धका वयकलं धयादीगु दु।

ल महानगरया मेयर चिरीबाबु महर्जनं जात्रा सम्पन्न यायेगु निति महानगरपाखे छु न कमि कमजोरी मयायेगु धका प्रतिबद्धता यानादीगु दु ।

ज्यापू समाजया अध्यक्ष चन्द्र महर्जनं न्यून जनसहभागिताय् स्वास्थ्य मापदण्ड अपने याना जात्रा सम्पन्न यायेगु जुइ धका धयादीगु दु ।

Categorized in राष्ट्रिय