अप्वः शुल्क काइगु निजी अस्पतालयात मन्त्रालयं कारबाही याइगु
चौलागा नवमी ११४१,बैसाख २२ बुधवाः
स्वास्थ्य मन्त्रालयं सरकारं क्वछिनातःगु शुल्क सियां अप्वः शुल्क काइगु नीजि अस्पतालतय्त कारबाही यायेगु न्ह्यथंगु दु ।
मन्त्रालयं थौं छगू विज्ञप्ति जारी याना कोरोना महामारीया ईलय् क्वछिनातःगु शुल्क सिबें अप्वः कायेगु थें जाःगु गैरकानूनी गतिविधि मयायेत सचेत याःगु दु । शुल्कया विषयस न्हियान्हिथं अनुगमन जुयाच्वंग्ु धासें मन्त्रालयं अप्वः शुल्क काइगु अस्पतालयात मन्त्रालय व स्थानीय प्रशासनपिन्त जानकारी बिइत इनाप याःगु दु । थौंकन्ह्ये छुं छुं निजी अपस्पतालतयेसं क्वछिनातःगु सिबें अप्वः शुल्क कायेगु गुनासो अप्वःयाच्वंगु खः ।
अथेहे मन्त्रालयं संक्रमित अप्वःगु जिल्लाय् कन्टयाक्ट टेसिङ् अप्वयेकेत स्थानियतपिन्त उजं बिउगु दु । मन्त्रालयया प्रवक्ता डा. जागेश्वर गौतमं कारोना अप्वःगु थासय् कन्टयाक्ट टेसिङ् अप्वेका परीक्षणको दायरा चकंकेत इनाप यानादिल ।
मन्त्रालयं छेँ हे पीसीआर परीक्षण याइपिनिगु मू न्यासं क्वछिना परीक्षण यायेत प्रयोगशलातयेत इनाप यानादिगु दु । गुकिया नितिं माःगु मापदण्ड राष्ट्रिय जनस्वास्थ्य प्रयोगशालां यायेगु नं धाःगु दु ।
संक्रमितया वासः यायेत छ्यलिइगु रेमडिसिभिर वासः निन्हुया दुने प्यद्व भाइल दइगु नं न्ह्यथंगु दु ।
Categorized in राष्ट्रिय
