कास्कीइ प्यम्ह कोरोना मन्त
लहानान्युज | चौलागा दशमी ११४१,बैसाख २३ बिहीवाः
कास्कीइ प्यम्ह कोरोना मन्तकास्कीया पोखराय् उपचार याना च्वपि प्यम्ह कोरोना संक्रमितपि मन्त ।
गण्डकी प्रदेश कोरोना नियन्त्रण तथा रोकथाम कार्यक्रमया प्रवक्ता डा. विनोद विन्दु शर्माया कथं बुधवाः चान्ह्य व बिहीवा सुथया दुने प्यम्ह कोरोना सक्रमितपिनिगु ज्याना वंगु दु।
सीपि पोखरा महानगरपालिकाया स्वम्ह व म्याग्दी धौलागिरि गाउँपालिकाय् च्वम्ह छम्ह खः । चरक अस्पताल पोखरा महानगरपालिका–३ या ८७ दँ दुम्ह मिजंम्ह वैशाख २२ गते बुधवा मदुगु खः। वयात वैशाख २१ गते संक्रमण पुष्टि जुगु खः ।
मणिपाल शिक्षण अस्पताल पोखरा महानगरपालिका–२९ या ४१ दँ दुम्ह मिजंम्ह, वडा नम्बर १७ या ७३ दँ दुम्ह मिजंम्ह व म्याग्दीया धौलागिरि गाउँपालिका–२ या ७२ दँ दुम्ह मिसा मदुगु धका धागु खः।
अथेहे डा. शर्माया कथं ४१ दँ दुम्ह मिजंम्ह उपचारया झ्वलय् बिहीवा सुथय् ६ः५५ बजे मदुगु धका धागु खः। पोखराय् हे च्वम्ह ७३ दँ दुम्ह मिजंम्ह बुधवाः चान्ह्य मदुगु खः। वयात वैशाख १८ गते संक्रमण पुष्टि जुगु खः । अथेहे म्याग्दीया ७२ दँ दुम्ह मिसाम्ह बिहीवाःसुथय् ७ः१० बजे मदुगु धका धागु दु ।
Categorized in राष्ट्रिय