ललितपुर सिटी एफसीं फ्रेन्चाईज फुटबल कासाय् नेपाल सुपर लिग (एनएसएल) य् न्हापा त्याकूगु दु ।

बुटवल लुम्बिनी एफसीयात १–० गोल अन्तर पराजित यासे ललितपुरं न्यागु मिनेटय् हे स्ट्राइकर नुर्लान नोभ्रुजुभ जाहिदया गोल न्हापा थुगु कासाय् त्यागु दु ।

कप्तान अन्जन बिष्टया हेडर पासय् अनमार्क जुम्ह नुर्लानं डाइभ हेडपाख गोल यागु खः । मैदानया देपाय् डिफेन्डर निरज बस्नेतया बाईसाइकल प्रहारय् अन्जनं नुर्लानयात हेडिङ पास उपलब्ध यागु खः ।

कासाया ३२ गु मिनेटय् ललितपुरया भिलिम पोसिन्कोभिचं गोलया अवसर वंसा गोल याये मफुत। अन्जनया पासय् पेनाल्टी बक्स दुने भिलिमं प्रहार यागु बल पोस्ट न्ह्यने वना पिहावंगु खः।

अथेहे इन्जुरी इलय् लिपागु मिनेटय् ललितपुरया विमल रानां प्रहारयागु बुटवलया गोलकिपर विशालं क्लियर यायेत्यंगु बल पोलय् लाना लिहा वंगु बल कप्तान अन्जनं गोल यागु खः ।

तर, लाइन रेफ्रीें अफसाइडया इशारा यायेवं ललितपुर अग्रता दोब्बर जुइ मफुत।

Categorized in कासा