दशरथ रंगशालाय् जुगु कासाय् काठमाडौं मेसौके ओलोमोउया ह्याट्रिकया ग्वाहालिं त्यागु दु।

अथेहे स्टेफेन बिनोङ व छिरिङ गुरुङं छगु छगु गोल यागु खः । विराटनगरया पेड्रो मान्जी निगु, एडिलाजा सोमिडे व रन्जित धिमालं छगु छगु गोल यागु खः ।

कासाय् खुगु मिनेटय् एडिलाजा सोमिडे विराटनगरया लागि न्हापागु गोल यागु खः। ३३ गु मिनेटय् पेड्रों मेगु छगु गोल यासे विराटनगरया अग्रता दोब्बर जुगु खः । उगु गोल सन्तोष तामाङया पासय् काठमाडौया गोलकिपर विकेशयात बिट यासे गोल यागु खः  ।

तर, कासाया ३५ गु मिनेटय् मेसौके ओलोमोउले गोल यासे काठमाडौयात २–१ या स्थितिइ हगु खः। एक मिनेट लिपा अहे मेसौकेले व्यक्तिगत निगु गोल यासे काठमाडौंयात २–२ या बराबरीइ हगु खः । अथेहे ४१ गु मिनेटय् स्टेफेन बिनोङं गोल यासे काठमाडौया ३–२ न अग्रता कागु खः।

कासाया ६८ गु मिनेटय् मेसौकेले ह्याट्रिक यासे काठमाडौं ४–२ या अग्रता कागु खः।  ७९ गु मिनेटय् विराटनगरया कप्तान रन्जित धिमालं गोल यासे ४–३ या अवस्थाय् वंगु खः । तर, ८३ गु मिनेटय् छिरिङ गुरुङ मेगु गोल यासे काठमाडौयात ५–३ नं अग्रता बिगु खः । कासाया इन्जुरी इलय् पेड्रोले व्यक्तिगत गोल यासे विराटनगरयात ५–४ या स्थितिइ हःगु खः ।

रन्जितया क्रसय् एडिलाजां बिगु पासय् पेड्रोले गोल यागु खः। कासाय् काठमाडाया मेसौके प्लेयर अफ दि म्याच जुया २५ हजार कागु खः।

Categorized in कासा