राष्ट्रियसभा उपनिर्वाचनया लागि नेकपा एमालें गृहमन्त्री रामबहादुर थापा बादल उम्मेदवार दयकूगु दु।

उम्मेदवारी दर्ताया लागि हेलिकोप्टरपाखे थौं शुक्रवाः सुथय् हेटौंडा वंगु दु। वाग्मती प्रदेश अन्तर्गत मेगु समूहपाखे खाली जुगु छगु सिटया लागि जेठ ६ गते जुइगु उपनिर्वाचनया लागि थौं मनोनयन दर्ता यायेत्यःगु खः ।

सुरुइ उम्मेदवार जुइत बादलं अस्वीकार यागु खः । थौं शुक्रवाः सुथय प्रधानमन्त्री केपी शर्मा ओली नाप बालुवाटारय् जुगु सहलह लिपा बादल चुनाव ल्वायत तयार जुगु खः । प्रधानमन्त्री निवास बालुवाटारं हेलिकप्टर तपिकं मकवानपुरया हेटौंडा वंगु दु । २०७४ सालया निर्वाचनय् नेकपा माओवादी केन्द्रपाखे थापा थुगु थासं निर्वाचित जुगु खः ।

नेकपा एमालय् प्रवेश यायेवं थापाया सांसद पद गुमे जुगुलि वइगु जेठ ६ गते उपनिर्वाचन जुइत्यंगु खः । उम्मेदवारी दर्ताया लागि थौं सुथय् १० बजे निसे ४ बजे तक निर्धारण यानातःगु खः।

विपक्षी गठबन्धनपाखे संघीयताविज्ञ डा. खिमलाल देवकोटायात उम्मेदवार दयकूगु खः। 

Categorized in राजनीति