म्यान्चेस्टर युनाईटड व भियारियाल फाईनलय् थ्यन
चौलागा एकादशी ११४१,बैसाख २४ शुक्रवाः
इंग्लीश फुटबल क्लब म्यान्चेस्टर युनाईटेड व स्पेनया भियारियाल युरोपा लिग फुटबल च्याम्पियनसीपया फाईनलय् दुहाँवंगु दु । वंगु चान्हय् जूगु सेमिफाईनलया निगूगु लेगय् इटालीया ए.एस. रोमालिसे ३–२गू गोल अन्तरं बूगु खः ।
न्हापांगु लेगय् चूलाकूगु ६–२गु अन्तरया उपलब्धिं म्यान्चेस्टर युनाईटेड फाईनलय् थ्यंगु खः । इटालीइ जूगु न्हापांगु लेगय् म्यानयू ६–२ गोल अन्तरं त्याःगु खः । वंगु चान्हय्या कासानाप रोमायात ८गु–५गुलिं बुकाः म्यानयुलं स्पेनिस क्लब भियारियालविरुद्धया फाईनल कासा क्वःछ्यूगु खः ।
च्याम्पियनसीपया मेगु सेमिफाईनल कासाय् इंग्ल्याण्डया आर्सनलयात स्तब्ध यानाः भियारियाल फाईनलय् थ्यंगु दु । न्हापांगु लेगया कासाय् २–१गु गोल अन्तरं बूगु आर्सनल, वंगु चान्हय् जूगु निगूगु लेगय् गोलरहीत ज्वलिंज्वः जूगु खः ।
अनलिं भियारियाल फाईनलय् थ्यंगु खः । म्यान्चेस्टर युनाईटेड व भियारियालदथुइया फाईनल कासा थ्वहे मे २६ तारिखय् पोल्याण्डय् जुइ ।
Categorized in कासा
