संसद सचिवालय संकलन यागु स्वाब परीक्षणय् ६५ म्हेसित कोरोना भाइरस संक्रमण पुष्टि जूगु दु ।

स्वाब संकलनय् ६१३ म्हेसिगु रिपोर्टय् सांसदपि १४ म्ह व संसदया कर्मचारी, पत्रकार नाप सुरक्षाकर्मीपि याना ६५ म्हेसित संक्रमण पुष्टि जूगु दु ।

प्रधानमन्त्री केपी शर्मा ओलीं विश्वासया मत कायेगु लागि वैशाख २७ गते संसदया विशेष अधिवेशन आह्वान यागु खःर ।

वैशाख २२,२३ व २४ गते संसद भवन न्हुगु वानेश्वरय् स्वाब संकलन यागु खः ।वैशाख २२ गते ६०९ म्ह, २३ गते ५२५ म्ह व २४ गते करिब १०० म्हेसित स्वाब संकलन यागु खः ।

स्वाब बिउप मध्ये अझ न रिपोर्ट वयेगु ल्यः दनि धका संसद सचिवालयं धागु दु।

Categorized in राष्ट्रिय