बाँकेय् उपचार याना च्वंपि थप न्याम्ह कोरोना संक्रमितपि मन्त ।

सीपि प्यम्ह बाँकेयापि व छम्ह बर्दियायाम्ह खः। बाँकेका कोरोना फोकल पर्सन तेज ओलीया कथं नेपालगञ्ज उपमहानगरपालिका–१४ या ३८ दँ दुम्ह मिसा थौं शनिवाः सुथय्  भेरी अस्पतालय् मदुगु खः ।

भारतया लखिमपुरय् वैशाख १४ गते परीक्षण यागुलि कोरोना संक्रमण जुगु खः। अथेहे नेपालगञ्ज उपमहानगरपालिका–१० या ३८ दँ दुम्ह मेम्ह मिसा नेपालगञ्ज मेडिकल कलेज कोहलपुरय् थौं सुथय् ४ः३० बजे मदुगु खः । अथेहे नेपालगञ्ज उपमहानगरपालिका–१ बाँकेया ६४ दँ दुम्ह मिजंम्ह बहनि ८ बजे व नेपालगञ्ज उपमहानगरपालिका १२ बाँकेया ६७ दँ दुम्ह मिजंम्ह शुक्रवाः ४ः४५ बजे भेरी अस्पतालय् मदुगु खः ।

अथेहे बर्दियाया बढैयाताल–७ छेँ दुम्ह ५२ दँ दुम्ह मिजंम्ह शुक्रवाः बहनि ७ बजे भेरी अस्पतालय् मदुगु खः धका जानकारी बिगु दु।

Categorized in राष्ट्रिय