नेकपा एमालेया माधव नेपाल–झलनाथ खनाल पक्षया सांसदपिन्स सामूहिक राजीनामा बिइगु तयारी यागु दु ।

प्रधानमन्त्री नाप अध्यक्ष केपी शर्मा ओलीं सहमतिया लागि छु न कुतः मयागु व पार्टी तछ्यागु मानसिकता तःगुलि राजीना बिइगु स्वया मेगु विकल्प मदु धका नेपाल–खनाल पक्षया सांसदपिन्स धागु दु ।

प्रधानमन्त्री ओलीं सोमवाः संसदय् विश्वासया काइगु जुगुनि ओलीयात विश्वास मगाइगु कथं व मेगु दलं सरकार दयकेत सांसदपिनिगु ल्याः खाइगु कथं राजीनामा बिइ त्यनागु धका धागु दु । माधव नेपाल समूह न पार्टीयात २०७५ सालया जेठ २ गतेया हे अवस्थाय् लित हयमागु माग याना वयाच्वंगु खः ।

आः प्रतिनिधिसभाय् २६७ म्ह सांसदपि कायम जुगु दु। उकि मध्ये नेपाल–खनाल समूहया २० म्ह जक राजीनामा बिया २४७ सदस्यपि जक कायम जुइ।

उकि सरकार दयकेत १२४ म्ह सांसद जूसा गाः। नेपाली कांग्रेसय् ६१ म्ह व माओवादी केन्द्रया ४८ म्ह याना १०९ म्ह सांसदपि दु।

Categorized in राजनीति