कैलालीइ थप खुम्ह कोरोना संक्रमितपिनिगु ज्यान वंगु दु ।

सेती प्रादेशिक अस्पताल, टीकापुर अस्पताल व धनगढीया हे निजी अस्पतालय् याना थप खुम्ह संक्रमितपि मदुगु धका जिल्ला प्रशासन कार्यालयं धागु दु । सेती प्रादेशिक अस्पतालय् उपचार याना च्वम्ह धनगढी उपमहानगरपालिका–४ या ४५ दँ दुम्ह मिसाम्ह, वडा नम्बर १८ या ५० मिसाम्ह व कञ्चनपुरया भीमदत्त नगरपालिका–१८ य् ६० दँ दुम्ह मिसाम्ह शनिवाः मदुगु धका जिल्ला प्रशासन कार्यालयया सूचना अधिकारीं जानकारी बिगु दु।

अथेहे, टीकापुर अस्पतालय् उपचार याना च्वम्ह टिकापुर नगरपालिका–१ य् ५० दँ दुम्ह मिजंम्ह व उगु हे नगरपालिकाया ५० दँ दुम्ह मिजंम्ह मदुगु धका धागु दु ।

धनगढीया छगु निजी अस्पताल उपचार याना च्वम्ह कैलालीया लम्किचुहा नगरपालिका–९ य् ४३ दँ दुम्ह मिजंम्ह शनिवाः चान्ह्य मदुगु धका धागु दु ।

Categorized in राष्ट्रिय