येँया अस्पतालय् अक्सिजनया अभाव जूगु धासे न्हुपि बिरामी भर्ना मकायेगु सूचं धमाधम जारी याये धुकुगु दु ।

थथे सूचं जारी यागु यलया महालक्ष्मीस्थानया गणेशमान सिंह मेमोरियल अस्पताल न खः । गणेशमान सिंह मेमोरियल अस्पतालय् अक्सिजन आपूर्तिइ वंगु असामान्य परिस्थितिइ याना याना न्हुपि बिरामी भर्ना मयायगु धका धागु दु ।

दुपि बिरामीपिन्त न मेगु अस्पतालय् सारे यायेगु कुतः जुयाच्वंगु दु धका उगु अस्पतालं धागु दु। उगु अस्पतालं अक्सिजन आपूर्तिया लागि सरोकारवापिन्त न इनाप याये धुकुगु दु ।

थ्व स्वया न्ह्यः चाबहिलय् मेडिकेयर, नेपाल–भारत मैत्री अस्पताल, दीर्घायु व हेल्पिङ ह्याण्ड्स अस्पतालं मंका कथं वक्तव्य जारी यासे अक्सिजन आपूर्ति सहज मजुगुलि न्हुपि संक्रमितपिन्त भर्ना काये मफइगु धका घोषणा यागु खः ।

Categorized in राष्ट्रिय