लुम्बिनी प्रदेशया मुख्यमन्त्री शंकर पोखरेलविरुद्ध अविश्वासया प्रस्ताव दर्ता जूगु दु ।

नेपाली कांग्रेस, नेकपा माओवादी केन्द्र, जनता समाजवादी पार्टी व राष्ट्रिय जनमोर्चाया ४० म्ह प्रदेशसभा सदस्यपिनिगु ल्हाचिं ज्वना प्रदेशसभाय् अविश्वास प्रस्ताव दर्ता जूगु दु ।

थ्व स्वया न्ह्यः ६ वैशाखय् मुख्यमन्त्री पोखरेलविरुद्ध अविश्वासया प्रस्ताव दर्ता यागु खः । उमिसं बिगु समावेदनया आधारय् १९ वैशाखय् प्रदशेसभाया विशेष अधिवेशन सःतूगु खः ।

तर अधिवेशन सुरु जुइ न्ह्यः हे पोखरेलं मुख्यमन्त्री पदपाखे राजीनामा बिया व बहुमतं सरकारया दाबी यागु खः 

प्रदेशसभाया अधिवेशन सःतिइगु माग यासे प्रदेश प्रमुखसमक्ष थौं हे समावेदन बिइगु धका कांग्रेस संसदीय दलया प्रमुख सचेतक फखरुद्दिन खानं जानकारी बिगु दु ।

Categorized in राष्ट्रिय