नेप्से १८ अङ्क स्वया अप्वो घटे जुल
शोभा श्रेष्ठ | चौलागा त्रयोदशी ११४१,बैसाख २६ सोमवाः
शेयर बजार परिसूचक नेप्से थौं आइतवाः १८ अङ्क स्वया अप्वो घटे जूगु दु।
कारोबार जूगु मध्ये दक्को समूहया शेयर क्वहा वया नेप्से १८ दशमलव ५६ अङ्कं घटे जुया २६ सय १८ दशमलव ५६ विन्दुइ कुहा वंगु दु ।
व्यापार समूहया शेयर ६१ अङ्कं घटे जुगु दु । जलविद्युतया ३४, होटल नाप पर्यटन समूहय् झण्डै ४२, फाइनान्सय् २१, माइक्रोफाइनान्सय् ९७, जीवन बीमा समूहय् १४७, निर्जीवन बीमा समूहय् ३१, उत्पादनय् ९२ व मेमेगु समूहय् शेयर २८ अङ्क घटे जूगु दु ।आइतवाः २१९ कम्पनीइ एक करोड २७ लाख कित्ता शेयर ६ अर्ब १४ करोड रुपैयाँय् कारोबार जूग्ु दु ।
दकलय् अप्वो एनसीसी बैंकय् २८ करोड ५६ लाख रुपैयाँया शेयर कारोवार जुगु खः । महिला लघुवित्त, विशाल बजार कम्पनी, सिंगटी हाइड्रो व युनियन हाइड्रो कम्पनीया शेयर झन्डै १० प्रतिशत घटे जुगु दु । अथेहे समता घरेलु लघुवित्त व रुरु हाइड्रोया शेयरया भाः झण्डै १० प्रतिशत थहावंगु दु ।
Categorized in राष्ट्रिय