बैशाख १६ गते निसे महानगरं न्ह्याकूगु निःशुल्क एम्बुलेन्स सेवापाखे आःतक १३०१ म्ह विरामीं सेवा काये धुकुगु दु।

उकि मध्ये नेपाल एम्बुलेन्स सेवापाखे ९८८ म्ह व संयुक्त एम्बुलेन्स चालक संघपाखे सञ्चालित १० एम्बुलेन्सपाखे ३१३ म्हेसिया सेवा कायधुकुगु दु । थुगु ल्याः नेपाल एम्बुलेन्स सेवाया बैशाख २५ गते तक व संयुक्त एम्बुलेन्स चालक संघया बैशाख २३ गते तक खः ।

येँ महानगरं बन्दाबन्दीया इलय् कोविड संक्रमण जूपि व मजूपि विरामीपिन्त अस्पतालय् यकेगु व हयेगु एम्बुलेन्स सेवां व्यवस्था यागु खः। नेपाल एम्बुलेन्स सेवां बैशाख १६ गते ४६ म्ह पोजेटिभ व प्यम्हा शंकास्पद विरामीपिन्त अस्पतालय् यकूगु खः ।

अथेहे १७ गते ७० म्ह पोजेटिभ व खुम्ह शंकास्पद, १८ गते ८८ म्ह पोजेटिभ व ७ म्ह शंकास्पद, १९ गते ९९ म्ह पोजेटिभ, २० गते ९८ म्ह पोजेटिभ व छम्ह शंकास्पद, २१ गते  १०८ म्ह पोजेटिभ, २२ गते ९३ म्ह पोजेटिभ, २३ गते ८७ पोजेटिभ व छम्ह शंकास्पद, २४ गते ६३ म्ह पोजेटिभ व छम्ह शंकास्पद, २५ गते ८० म्हेसित पीसीआर पोजेटिभ विरामीपिन्त अस्पताल थ्यकाबिगु खः।

Categorized in राष्ट्रिय