एफसी चितवनयात २÷१ गोलं बुका काठमाडौं प्लेअफ थ्यन
चौलागा त्रयोदशी ११४१,बैसाख २६ आइतबाः
काठमाडौं रेजर्स येँ न्ह्यनाच्वंगु नेपाल सुपर लिग एनएसएल फुटबल कासाय् शीर्ष थासय् लाना प्लेअफमा थ्यनेत ताःलाःगु दु ।
दशरथ रङ्गशालामा थौं जूगु लिग चरणया लिपांगु कासाय् काठमाडौ नं एफसी चितवनयात २÷१ लिं बुकुगु खः । काठमाडौंया नितिं ओलोमोउ व संजोक राईं गोल यात । बूगु चितवनया राजीव रोप्चनं सान्त्वना गोल लिछ्यात । जित लिपाः ६गू कासां १३गू ल्यालिसें काठमाडौं शीर्ष थासय् लायेत ताःलागु दु । ६गू कासां १०गू ल्याखँ धनगढी एफसी निगूगु थासय् लाःगु खः । चितवनया २गू ल्याखँ दकल पुछारय् लात ।
काठमाडौं, धनगढी, ललितपुर सिटी एफसी व बुटवल लुम्बिनी एफसी प्लेअफय् थ्यंगु दु । शीर्ष निगूगु थासय् लाःगु काठमाडौं व धनगढी दथुई न्हापांगु क्वालिफायर कासा मंगलबाः जुइ ।
थुकिं त्याइगु पुचः फाइनलमा थ्यनि । बूगु पुचलं हाकनं फाइनलय् दुथ्यायेत इलिमिनेटर कासाया त्याकुमिलिसे निगूगु क्वालिफायर म्हितिगु जुई । न्हेगु टिम दुथ्याःगु न्हापांगु फ्रेन्चाइज फुटबलपाखें पोखरा थन्डर्स, विराटनगर सिटी एफसी व चितवन पिहाँवंगु दु । त्याकुमि ३५गू लखःया ध्येबा सिरपा त्याकिइ ।
फाइनल कासा जेठ १ गते शनिबार जुई ।
