न्हूगु सरकारया नितिं राष्ट्रपति भण्डारीपाखें आह्वान
चौलागा आमै ११४१, बैसाख २८ बुधवाः
राष्ट्रपति विद्यादेवी भण्डारीं न्हूगु सरकार दयेकेत आह्वान यानादीगु दु ।
राष्ट्रपतिं संविधानया धारा ७६ या उपधारा (२) कथं बहुमतया सरकार गठन यायेत दलतय्त आह्वान यानादीगु दु ।
वय्कलं प्रतिनिधिसभाय् प्रतिनिधित्व याइगु निगू व निगू स्वयां उप्वः दलतय्गु समर्थनय् बहुमत चूलाकीपिं प्रतिनिधिसभाया दुजःपिन्त बिहीबाः सनिलय् ९ताःईदुने प्रधानमन्त्री पदय् दाबी लःल्हायेत धयादीगु दु ।
राष्ट्रपतिं मेगु मन्त्रिपरिषद् गठन मजूतले मौजुदा मन्त्रिपरिषद्यात हे कार्यसञ्चालन यायेत न धयादीगु दु । थ्वहेदथुइ राष्ट्रपति भण्डारीं सरकारया सिफारिसय् प्रतिनिधिसभा विशेष अधिवेशन क्वचायेकादीगु दु ।
म्हिगः सनिलय्च्वंगु मन्त्रिपरिषद्या मुँज्यां अधिवेशन क्वचायेकेत राष्ट्रपतिनाप सिफारिस याःगु खः ।
Categorized in राजनीति
