कोरोना भाइरसं नागरिकया जीवन रक्षा यायेत सरकारया नामय् सर्वाेच्चया आदेश
लहनान्यूज | चौलागा आमै ११४१, बैसाख २८ मंगलबा
सर्वोच्च अदालतं कोरोना भाइरसं नागरिकया जीवन रक्षाया लागि थथें प्रभावकारी पलाः न्ह्याकेत सरकारया नामय् आदेश बिउगु दु ।
न्यायाधीश बमकुमार श्रेष्ठया एकल इजलासं थौं अस्पाताल, अक्सिजनलगायतया पूर्वाधार थथें तयार यायेत अन्तरिम आदेश बिउगु खः । सर्वोच्चं न्हियान्हिथं ल्वःगितय्गु ल्याः अप्वःया च्वंगु ईलय् अस्पतालय् मदयेक मगाःगु ज्वलंया व्यवस्था यायेत आदेश बिउसें अक्सिजन, वासः व जनशक्ति लगायतया थथें व्यवस्था यायेत धाःगु खः ।
वासः यायेगु पाखें सुं नं त्वमफिइकेत साधन स्रोत सम्पन्न अस्पताल त न्ह्याकेत नं सर्वाेच्चं धाःगु दु । आदेशय् वासः यायेया नितिं सरोकारवाला पिनिगु ब्वःतिलिसें छगू कार्यसमिति निस्वना समस्या समाधान यायेत नं प्रधानमन्त्री लिसें मन्त्रिपरिषद्या ज्याकू व स्वास्थ्य मन्त्रालय यात आदेश विउगु खः ।
